وشلون اصبحك بالخير

صباحكم\مسائكم شعــر ..

حبيبتي..وشلون اصبحك بالخير
وانتي.. صباح الخير والخير كلّـه

صبح الندى والعشب والغصن والطير
صبح الغيوم..اللي علينا..مطّـله

انتي صباحات السـعد والتباشـير
على وجـيه<ن>بالرضا مسفهلّـه

دامك صباحي وين ما اروح واسير
والله ما ادور فـوق راسي مظلّـه

جيتي ووقفت لك ضلوعي جماهير
يتل منها شـوقي اللي يتلَّــه

وما دام جيتني فانا حالـي بخير
لو كان جرحي ما استرته الاجلّه

جيتك هذي غير..وإنتي بعد غير
جيتك مثل الوسم لا جاك حلّـه

تزهر بها قيعان قلب مداهـير
وترد معها روح خل<ن> لخلّه

يا مرحبا يا اغلى واعز المسايير
واغلى المشاعر بيت اهلها تدّله

عروق قلبي لك دلال<ن>مباهير
صبيتها دله...ودله...ودلّه

تربعي بين الحشـا والازاريــر
واخذي على..ترويقة البال..فلّه

والا اصبري بطير القلب تطيـير
وانتي تعالي واجلسي..في محلَه

سقت الغلا لك والنويا مغاتـير
ولا همني..حقد القلوب..المغلَه

مدري صباح الخير والا مسا الخيـر
مير الوكاد .. فوجهك الخير .. كلّه

.
.
.

الله يعطيك العافيه على هالنقل الراقي