أنتي جنون أنثى،وانا فيك مجنـون
هذا الهوى جمع بصدفه مجانيـن
أنا زرعت الشمس في عتمتك لون
وأنتي زرعتي كل عمري بساتيـن
أنا أكتشفتك حب من غير قانـون
انتي عرفتي أشلون وضع القوانين
أنا خرجت بحب عن منطق الكون
وانتي دخلتي قلب من نظرة العين
الحب حررنا من أوطان وسجون
الحب أهدانا مع العمـر عمريـن
أشوف فيك أحلام و أطفال يجرون
وأتخيلك طفله بحضنـي تناميـن
الليل بعيونك له أرموش وأعيـون
والنور بحضورك يقل جيت ذلحين
حلفت ما أخونك وانا فيك مفتـون
يعني بخونك يوم طفـت الثلاثيـن
أعلنتها للناس انـا فيـك مجنـون
والناس قالت ذي : عالم مجانيـن
موضوع: جنون أنثى 
الجمعة سبتمبر 14, 2007 4:24 am
